Бала асырап алу тәртібі. Бірінші кезең

Версия статьи на русском языке

Сонымен, бала асырап алу тақырыбын жалғастырайық. Сіздің лайк – сіздің рахметіңіз!

Бұған дейін жазғанымдай, ең алдыменқамқоршылық органдарында немесе www. rbd-kopd.kz веб-порталына мәліметтерді енгізу арқылы Республикалық деректер банкі арқылы тіркелу керек. Ол үшін келесі құжаттарды өткізу қажет (Қазақстан Республикасының азаматтары болып табылатын балаларды асырап алуға беру ережелерінің 9-тармағы):

1. баланы ерікті түрде асырап алу ниеті туралы өтінім (үлгісін www.yurblog.kz сайтына саламын);
2. тұрғын үй – тұрмыстық тұру жағдайларына тексеріс жүргізу туралы өтінім (қамқоршылық органында үлгісін береді);
3. жеке куәліктің көшірмесі;
4. күйеуінің (әйелінің) жазбаша келісімі;
5. көршілерінің немесе жұмыстағы әріптестерінің ұсыныс хаттары (кемі үшеу);
6. жалақысы және басқа кірістері туралы анықтама (егер басқа кірісі болса);
7. неке немесе некені бұзу туралы куәлік;
8. денсаулық жағдайы туралы анықтама, медициналық тексерістен өту үшін жолдаманы қамқоршылық органынан алуға болады (оның ішінде псих-, нарко-, тері-венерологиялық диспансерлердің анықтамасы, ЖИТС орталығының анықтамасы);
9. соттылығы жоқ екені туралы анықтама;
10. баспанаға меншік құқығын растайтын құжат.

Құжаттарды қарағаннан кейін қамқоршылық органы сіздің тұрғын үй – тұрмыстық жағдайларыңызды тексеріп, сізге оң шешім шығарып, балалар үйіне жолдама береді (Қазақстан Республикасының азаматтары болып табылатын балаларды асырап алуға беру ережелерінің 9-тармағы). Баланы таңдағаннан кейін қамқоршылық органы сотқа асырап алу туралы қорытынды дайындайды.

Тағы нені білу керек:

• Ата-анасы ата-аналық құқықтан айырылған баланы – сол құқықтан айырғаннан кейін 6 ай өткеннен кейін ғана асырап алуға болады (ҚР «Неке (ерлі-зайыптылық) және отбасы туралы» кодексінің 77-бабының 7-тармағы).
• Егер баланы асырап алған болса және асырап алудың күші жойылмаса ата-аналық құқықты қалыпқа келтіруге болмайды(ҚР «Неке (ерлі-зайыптылық) және отбасы» кодексінің 78-бабының 3-тармағы).
• Әртүрлі отбасы ағалы-інілілер мен апалы-сіңілілерді асырап ала алмайды (тек балалар бірг өспесе және өздерінің туыс екендіктерін білмесе)( ҚР «Неке (ерлі-зайыптылық) және отбасы туралы» кодексінің 90-бабының 2-тармағы).
• Егер бала 10 жасқа толған болса оның келісімі керек ( «Неке (ерлі-зайыптылық) және отбасы туралы» кодексінің 95-бабы).
• Егер баланы перзентханаға тастап кетсе немесе тастап кеткен жерінен тауып алған болса және оның жасы 3-ке толмаған болса оны тастап кеткен немесе тауып алған сәттен бастап, ата-анасы оны іздемесе 3 айдан кейін асырап ала алады (ҚР «Неке (ерлі-зайыптылық) және отбасы туралы» кодексінің 93-бабы, 7-тармағы).

Келесі постта сотқа жинайтын құжаттар туралы толығырақ жазамын.