Нөлінші сынып. Қашан және қайда

Версия статьи на русском языке

Балаңыз алты жасқа толса, бірақ әлі мектепке бергіңіз келмесе не істеу керек?

Заң бойынша балаларды балабақшада 1 жастан 6 жасқа дейін ұстауға болады. Яғни, бала 6 жасқа толғаннан кейін балабақшада қала алмайды.

5 жастан бастап мектепалды дайындық (немесе 0 сынып) басталады. Ол келесі мекемелерде ұйымдастырылады:

• балабақшаларда, шағын орталықтарда, «мектеп-ясли-балабақша» және т.б.
• мектепте мектепалды сыныптар түрінде
• лицейлерде, гимназияларда және т.б.
• немесе үйде.

Сонымен не істеуге болады? Жолдары:

Балабақшаға бармаған немесе мектепалды дайындықтан өтпеген баланы қыркүйекке дейін дайындық курстарына беруге болады.

• 0 сыныбы бар мектеп табуға болады. Өкінішке қарай, барлық мектептерде мұндай сыныптар жоқ. Сондықтан алдын ала біліп, құжат тапсыру қажет. Қазір мектептер мен балабақшаларда нөлінші сыныптың міндетті түрде болуы қарастырылмаған.
• Баланы кезекке қойып (кезекке 7 жасқа дейін қоюға болады), бос орын табуға болады. Мұндай жаста орын табу аса қиынға түспеуі де мүмкін.

Егер 0 сыныбы бар мектеп тапқан болсаңыз, балаңызды қабылдауы үшін ол мектептің учаскесінде болу міндетті емес. Яғни, бұл қабылдаудан бас тартуға негіз бола алмайды.

Егер сізге осы себептен бас тартса жазбаша түрде жүгініп, жазбаша түрде бас тарту қағазын сұраңыз. Әрі қарай осы бас тарту қағазын алып, білім басқармасына, прокуратураға шағымдана аласыз.