Пәтер иелерінің кооперативі не істеуге міндетті?

Версия статьи на русском языке

Осы жазбаны ПИК тақырыбына арнағым келіп отыр. Себебі маған үнемі ПИК не істеу керек, т.б. сұрақтар жиі қойылады.

Сонымен, ПИК (пәтер иелерінің кооперативі) дегеніміз не? ПИК бұл– өздеріңіз, яғни пәтер иелері құратын ұйым.
ПИК ортақ мүлікке қызмет көрсету үшін құрылады:

• Подъезд
• Саты
• Аула
• Шатыр және т.б.

Аталған мүліктерге қызмет көрсету ПӘТЕР ИЕЛЕРІНІҢ ҚАЛТАСЫНАН, яғни өзіңіздің ақшаңыздан төленеді!

ПИК тек қана ақшаны жинап, оны қайда жұмсау қажеттігін шешеді. Ай сайын не үшін және қанша ақша төлеу керектігі ПИК ұйымдастырған жиналыста кеңінен талқыланып шешіледі. Ортақ мүлікке қажет сомма оның жағдайына байланысты ақылдасып шешіледі.

ПИК сіздің ақшаңызға не істеуге міндетті?

• Барлық жөндеу жұмыстары: сырлау, сылау, қайтадан жөндеу, есік, шарбақ ауыстыру және т.б.
• Канализация бойынша тазалау, жөндеу жұмыстары, жылыту бойынша маусымдық тексерістер, тазалау, су құбырларын жөндеу, тесіктерін бітеу және электр тоғына қатысты жұмыстар.
• Ауланы тазалау, подъездерді тазалау бойынша жұмылдыру, т.б.
• Шатырды жөндеу (ауыстыру емес!), егер ауыстыру керек болса, ортақ жиналысты шығынды қосып есептеу қажет.
• Шлагбаум орнату, өзге де нәрселерді жаңалау бойынша қосымша жұмыстарға қалтаңыздан төлейсіз

Ал, ПИК-тің міндеті – пәтер иелерінің қаражатына жасалған ортақ мүлікті ұқыпты ұстау, қауіпсіз қолдануды қамтамасыз ету.
Барлық атқарылған істер бойынша ПИК үш ай сайын есеп беруге міндетті.

Егер сіздің ПИК өз міндетін атқармаса немесе жұмысы көңіліңізден шықпаса, онда сіз:

• Жасаған жұмысы бойынша құжаттар, смета және жазбаша есеп талап етуге;
• Төрағаны ауыстыруға;
• ПИК-ті басқарушы компанияға ауыстыруға;
• ПИК жұмысын тексеруді ұйымдастыруға;
• Басқа ПИК-ке өтуге құқығыңыз бар.

Жалпы алғанда ПИК-пен арадағы қарым-қатынасқа қатысты заң – сіздің қолыңызда

Ал, сіз Өзіңіздің пәтер иелерін кооперативінің міндеттерін білдіңіз бе?