Тұрғын үй сертификаты

Версия статьи на русском языке

Уәде еткенімдей тұрғын үй сертификаты туралы пост. ❤️ сізден!

2019 жылдың 20 маусымында Тұрғын үй сертификаттарын беру ережесі бекітілді.

ТҰРҒЫН ҮЙ СЕРТИФИКТЫ ДЕГЕН НЕ?

Тұрғын үй сертификаты – «Нұрлы жер», «7-20-25», «Бақытты отбасы» мемлекеттік бағдарламалары бойынша берілетін ипотеканың  алғашқы жарнасын жабу үшін берілетін ақшалай көмек.

КІМ БЕРЕДІ ЖӘНЕ КІМГЕ БЕРЕДІ?

Тұрғын үй сертификатын әкімдіктер береді. Мәслихаттар осы сертификат берілетін адамдардың тізімін жасайды. Бұл тізім қамтиды:

Әлеуметтік әлсіз санаттар:

• Мүгедек балалары бар немесе мүгедек бала тәрбиелеп отырған отбасылар;
• Көп балалы отбасылар;
• Толық емес отбасылар.
• Бюджет саласының қызметкерлері (денсаулық сақтау, білім беру, мәдениет, спорт және т.б.)

Бұл отбасылардың соңғы 6 (алты) айдағы орташа кірісі отбасының әр мүшесіне айына 42 500 теңгеден аспауы (мемлекеттік жәрдемақыны қоспағанда) тиіс. Егер бұл шамадан асып кетсе сізге тұрғын үй сертификаты кредит ретінде беріледі. Егер аспаса сертификат бойынша берілген соманы қайтару қажет емес, ол сізге көмек ретінде беріледі.

Нақты қандай санаттардың енгізілгенін білу үшін өзіңіз тұратын облыс, қала, ауданның тізімін қараңыз. Тізім сіздің Әкімдігіңіздің сайтында жариялануы тиіс.

СЕРТИФИКАТ СОМАСЫ

Тұрғын үй сертификаты әр адамға 1 млн теңгеге дейін беріледі. Әкімдік сертификаттар беруге ақша бөледі және сомалар бөлінген бюджетке байланысты болады.

ҚАНДАЙ ҚҰЖАТТАР ӨТКІЗУ ҚАЖЕТ?

• форма бойынша өтініш (www.yurblog.kz сайтынан Құжаттар бөлімінен таба аласыз)
• жеке куәліктің көшірмесі
• соңғы 6 айдағы кіріс туралы анықтама
• жұмыс орнынан анықтама (әлеуметтік әлсіз топтардан басқа)
• ипотеканы мақұлдау туралы банктің хаты

Өтініш 3 күнде қаралады. Егер сіздікін мақұлдаса сізге сертификат беру туралы келісім немесе кредиттік келісімшарт (егер сіздің кірісіңіз шамадан асса) жасайды.

Әрі қарай сертификат сомасы сіздің банктік шотыңызға түседі.  Ол жерден банк оны ипотеканың алғашқы жарнасына ұстайды. Банкпен ипотекалық келісімшарт жасағаннан кейін сіз ипотекалық келісімшарттың көшірмесін Әкімдікке тапсыруыңыз керек.